Προσευχές στούς Ἁγίους Ἀγγέλους

ΠΡΟΣΕΥΧΕΣ ΕΙΣ ΤΟΥΣ ΑΓΙΟΥΣ ΑΓΓΕΛΟΥΣ

Ἄναρχε Λόγε, ἱεραῖς δεήσεσι, τῶν Χερουβείμ, Σεραφείμ, Ἐξουσιῶν, Θρόνων καί Θείων Δυνάμεων, Ἀγγέλων, Ἀρχαγγέλων τε, Ἀρχῶν, Κυριοτήτων, τά Σά ἐλέη τά πλούσια, δώρησαι ἡμῖν ὡς φιλάνθρωπος.

Ἐκ τῶν σκανδάλων τοῦ ἐχθροῦ, ὦ Σεραφείμ ρύσασθέ με, Ἐξουσίαι, Χερουβείμ ἱκετεύω, Κυριότητες, Ἀρχαί καί Θρόνοι καί Ἀρχάγγελοι, σύν τοῖς Ἀγγέλοις πᾶσι, τόν Λυτρωτήν ἱκετεύσατε.

Νοεραί Σέ Δυνάμεις, νῦν καθικετεύουσιν εὔσπλαχνε Κύριε, Ἐξουσίαι, Θρόνοι, Σεραφείμ, Κυριότητες, Ἄγγελοι σύν τοῖς Ἀρχαγγέλοις καί ταῖς Ἀρχαῖς· ἵλεως ἔσο τῷ λαῷ σου καί σῶσον ὡς Εὔσπλαχνος.

Ρυσθῆναι με τῆς ἐκεῖ, ἀποκειμένης κολάσεως, δεήθητε Χερουβείμ, Θρόνοι, Κυριότητες, Ἄγγελοι, Ἀρχάγγελοι, Ἀρχαί καί Δυνάμεις, τόν Δεσπότην πάσης κτίσεως.

Φωτός φῶτα δεύτερα, τοῦ πρώτου ὄντες, Ἅγιοι Ἄγγελοι, ἐν μεθέξει ἀΰλῳ καί πανολβίῳ καταφαιδρύνεσθε· ὅθεν κραυγάζω· τόν νοῦν μου φωτίσατε, ἐσκοτισμένον ἀεί βίου τοῖς πάθεσιν.

Ὡς Θεῖαι Ἐξουσίαι καί Χερουβείμ, Σεραφείμ, Κυριότητες, Ἄγγελοι, Θρόνοι, Ἀρχαί πᾶσαι καί Δυνάμεις πανευκλεεῖς καί Ἱεροί Ἀρχάγγελοι, δέησιν ποιεῖτε πρός τόν Θεόν, καλῶς ἡμᾶς βιῶσαι, τυχεῖν τε σωτηρίας καί τῶν δεινῶν ἀπολυτρώσασθε.

Ἀρχάγγελοι, Ἄγγελοι, Ἀρχαί, Θρόνοι, Κυριότητες, τά ἑξαπτέρυγα Σεραφείμ καί πολυόμματα Χερουβείμ, τά θεῖα τῆς σοφίας ὄργανα, Δυνάμεις, Ἐξουσίαι Θειότατοι, Χριστῷ πρεσβεύσατε δωρηθῆναι, ταῖς ψυχαῖς ἡμῶν τήν εἰρήνην καί τό μέγα ἔλεος.

Γιά τό διαδίκτυο, πληκτρολόγηση-διάθεση:
ΙΣΤΟΛΟΓΙΟΝ ΚΑΙΟΜΕΝΗ ΒΑΤΟΣ http://kaiomenivatos.blogspot.gr/