Ο ΕΛΕΦΑΝΤΑΣ! Τοῖς δέ Λατίνοις ὀ τύφος οἶμαι τό μόνον, μικροῦ δέω λέγειν, πάθος ἀνίατον! Ἅγιος Γρηγόριος ὁ Παλαμᾶς (Ἐκ τοῦ 1ου Τόμου: ΣΥΓΓΡΑΜΜΑΤΑ)

Ο ΕΛΕΦΑΝΤΑΣ!
Τοῖς δέ Λατίνοις ὀ τύφος οἶμαι τό μόνον, 

μικροῦ δέω λέγειν, πάθος ἀνίατον! 
Ἅγιος Γρηγόριος ὁ Παλαμᾶς
(Ἐκ τοῦ 1ου Τόμου: ΣΥΓΓΡΑΜΜΑΤΑ)

 

 "Τό μέν οὖν τοῦ ὀρθοῦ διαπεσεῖν κοινόν ἐγένετο ταῖς ἐκκλησίαις ἁπάσαις, ἄλλοτε ἄλλῃ διά τοῦ μακροῦ χρόνου λυμηναμένου τοῦ χείρονος. Τό δέ διαπεσοῦσαν μηκέτ' ἐπανελθεῖν μόνης τῆς τῶν Λατίνων ἐγένετο, καίτοι μεγίστης τε καί κορυφαίς οὔσης καί τῶν πατριαρχικῶν θρόνων ἐξόχου περιωπῆς· καί ταὐτόν ταύτη συμβέβηκε, μεγίστη τῶν ἐκκλησιῶν οὖσῃ, τῷ μεγίστῳ τῶν ζώων ἐλέφαντι. Ὅν φασι μηδ' ὔπνου καιρόν ἐπ' ἐδάφους ἀνακλίνεσθαι πρός ἄνεσιν, τοῖς δέ πλαγίοις ἄρθροις μικρόν ἐποκλάζοντα διαναπαύεσθαι· ἄν δέ πού τι παθών καταπέσῃ, μηκέτ' ἀνίστασθαι δύνασθαι. Ἀλλά τοῖς μέν ἐλέφασι τό βάρος τοῦ σώματος αἴτιον καί ἡ πολυσαρκία δύσχρηστός τε οὖσα καί κάτω πιέζουσα, καθάπερ τις ἐπικειμένη μόλυβδος πολυτάλαντος, τοῖς δέ Λατίνοις ὀ τύφος οἶμαι τό μόνον, μικροῦ δέω λέγειν, πάθος ἀνίατον, ὅ καί τῷ μόνῳ πονηρῷ κρίμα κατά τόν ἀπόστολον ἰδιαίτατον (1)· δι' ὅ κἀκεῖνος εἰς αἰῶνας ἀνίατος.  

Ἄν δέ τό τῶν Λατίνων τοῦτο φῦλον τοῦτον ἀπόθωνται-δύνανται γάρ, καί γάρ ἄνθρωποι-τάχ' ἄν ἡμεῖς οἱ τοῦ ὀρθοῦ πάντες συναχθέντες εἰς ἕν καί οἷόν τισι προνομίαις, ὅ καί τοῖς καταπεσοῦσιν ἐλέφασι παρά τῶν μή κειμένων ἡ φύσις ἐξεῦρε βοήθημα, τοῖς θεοπνεύστοις λογίοις χρησάμενοι διαναστήσομέν τε καί στήσομεν ὀρθίους, ἀπαρεγκλίτως ἐχομένους τοῦ κανόνος τῆς εὐσεβείας. Ἐθελοντάς δέ κειμένους ὀνήσει τό παράπαν οὐδέν, κἄν παρ' αὐτῶν τῶν οὐρανίων νόων σκευάζηταί τε καί προσάγηται τό τῆς ψευδοδοξίας ἴαμα· τούτων γάρ λόγος προφητικοῖς ρήμασιν ἐκπεφασμένος, ὡς 'ἰατρεύσαμεν τήν Βαβυλῶνα καί οὐκ ἰάθη' (2) ".

ΛΟΓΟΣ ΔΕΥΤΕΡΟΣ

ΟΤΙ ΟΥΧΙ ΚΑΙ ΕΚ ΤΟΥ ΥΙΟΥ ΑΛΛ' ΕΚ ΜΟΝΟΥ ΤΟΥ ΠΑΤΡΟΣ ΕΚΠΟΡΕΥΕΤΑΙ ΤΟ ΠΝΕΥΜΑ ΤΟ ΑΓΙΟΝ

Ἐκδόσεις: Παναγ. Κ. Χρήστου
Γιά τό διαδίκτυο, πληκτρολόγηση-δημοσίευση:
ΙΣΤΟΛΟΓΙΟΝ ΚΑΙΟΜΕΝΗ ΒΑΤΟΣ http://kaiomenivatos.blogspot.com/


(1) Βλ. Ἰακ. 4, 16
(2) Ἰερεμ. 28, 9